Snjóbretta pía...nei, langt því frá!

Fimmtudagurinn 16.febrúar
Marina sambýliskona mín tók mig í smá ítölsku kennslu, og svo vildi hún fá smá kennslu í íslensku. Jú, jú ekkert mál....en eina sem hún vildi læra voru blótsyrði. Svo ekki láta ykkur bregða ef hún svarar einhver tímann í símann minn og segir eitthvað ljótt! Ekki mér að kenna....

Hey, ég ákvað að fara í bað svona til tilbreytingar! Nema hvað að ég fékk félaga með mér í baðið. Það gerist nú ekki á hverjum degi svo ég ætti að vera ánægð með svoleiðis upp á komu. Nei, nei...ég rétt náði að setja handklæðið utan um mig áður en ég flaug út um baðherbergisdyrnar.....mínum sambýlingum til mikilla ánægju! Tómatso, herramaðurinn á heimilinu kom mér til hjálpar og drap helv.....kvikindið!

Föstudagurinn 17.febrúar
Jæja, ég verð nú bara að viðurkenna fyrir ykkur að ég er enginn snjóbrettapía. Já, ég fór og lét reyna á hæfileika mína á snjóbretti. Sumt er bara ekki að virka hjá manni, maður getur ekki verið góður í öllu... En það var samt rosalega gaman. Ég horfði yfir alpana í austurríki, sviss, þýskalandi og auðvitað þá ítölsku. Þetta var geðveikt! Já, og ég sá Mount Blank (vona að þetta sé rétt skrifað) hihi....

Laugardagurinn 18.febrúar
Eftir að æðislegan dag í fjallinu, var ég að sjálfsögðu frekar þreytt og aum eftir rúllað um brekkurnar allan daginn. Svo planið var að sofa aðeins lengur en vanalega. Nei, ég var vakin 10:00. Maðurinn á eftir hæðinni byrjaði að glamra á þetta blessaða píanó. Þetta er vissulega mjög fallegt og allt það en það ætti að vera bannað með lögum að byrja fyrir hádegi!

Sunnudagurinn 19.febrúar
Hey, ég er búin að finna það út hvað fólk gerir á sunnudögum. Ég þurfti aldrei þessu vant að fara í IKEA. Kemur það ykkur ekki á óvart! Vááá.....þeir gættu breytt þessu risa húsi í risa barnaheimili. Fjölskyldurnar streymdu þarna inn hver á eftir annarri. Börnin voru hoppandi út um allt, sófum, rúmum, boðum...allstaðar. Hangandi í gardínum, snýta sér í handklæðin, kveikja og slökkva á lömpunum, hlaupa fyrir lappirnar á manni og fleira í þessum dúr. Það er örugglega betri getnaðarvörn að vinna í IKEA heldur en á sumarnámskeiðum og ég sem hélt að það væri það besta. Nei....maður ætti kannski að sækja um í IKEA. Eða .....nei, kannski bara ekki!

Mánudagurinn 20.febrúar
Það er gott að vera kennari hérna á ítalíunni. Maður mætir bara svona eftir hentuleika. Og það er nú bara óskrifuð regla að mæta allaveganna 15mín of seint. Í dag þá fann kennarinn minn sér eitthvað annað að gera en að mæta til vinnu. Ætli hann sé í verkfalli... nei, það getur ekki verið íslenskir kennarar eru með einkaleyfi á því! Allaveganna þá vona ég að hann hafi verið að gera eitthvað skemmtilegt. Góð vinna!

Farið vel með ykkur og haldið áfram að commenta, það ekki mikið til að gleðja mitt litla hjarta en mér finnst alltaf jafn gaman að lesa commentin frá ykkur.

Ciao, llta eða eins og ég var kölluð í dag! Breytilegt nafn ekki satt! Hjómar eins og Hilda..eða..!

Aldur, nýbúar og skólamál!

Mánudagurinn 14.febrúar
Jæja, nú eru allt að fara að gerast hérna. Ég mætti spræk á tungumálanámskeið, sökum þess að það var bara leyfilegt að taka eitt námskeið á vegum háskólans þá skráði ég mig í eitthvað námskeið sem nýbúi...er ég það ekki annars. Maður verður að bjarga sér!

Guð hjálpar þeim sem hjálpa sér sjálfir! Motto dagsins!

Þriðjudagurinn 15.febrúar
Mér var hugsað til þess að ég kom hérna út til að vera í háskóla ekki satt. Ekki hefur mikið bólað á mætingu minni í hann einfaldlega vegna þess að hann er ekki byrjaður. Mér var sagt þegar ég kom að hann myndi byrja einhver tíman í lok mánaðarins, gott svar.... En bara svona til að hafa eitthvað á hreinu þá bað ég um tímatöflu, já, nei, nei, ertu eitthvað að drífa þig góða mín, hún verður ekki til fyrr en vikuna fyrir eða eitthvað svoleiðis! Ummmm....æðislegt! En þar sem ég er orðin vön svona góðum og áreiðanlegum svörum þá brosti ég bara og fór heim og hætti að hugsa um þenna skóla...
En mér var á að tékka á tímatöflunni bara svona af því að ég átti leið hjá! Það var ekki seinna vænna, ég byrja á mánudaginn....á maður bara að finna þetta á sér eða....maður spyr sig. Gott skipulag!

Miðvikudagurinn 16.febrúar
Afmælisbarn dagsins er enginn önnur en drottningin hún Ester Sif. En ég veit ekki alveg hvort ég vilji segja ykkur hvað hún er gömul....jú, ég verð hún er TUTTUGU OG ÞRIGGJA! Muaaaahhhh....TIL HAMINGJU MEÐ DAGINN...

Fyndið þegar ég var lítil stelpa þá fannst mér allir sem voru komnir yfir 20 ára mjög fullorðið fólk, og ég átti það meira segja til að segja maðurinn og konan um fólk...bara ef maður gæti nú spólað til baka! Sorry....

Þegar eldri systkini mín náðu þeim árangi að verða 24 ára þá fannst mér þau svo stór og ég skildi ekkert í þeim að vera ekki búin að drita niður hrúgu af krakkalökkum. Hemmi eru ekki að verða 24 annars....hint hint!

Ég ætla að fara að læra smá, og svo að hafa mig til því það er jú, miðvikudagur og þá hittumst við og eldum saman úr stóru ítölsku uppskriftarbókinni. Að þessu sinni varð samt tortillas eða fahitas fyrir valinu. Er ekki alveg klár á þessu en ég hlakka samt sem áður til að athuga hvort þetta smakkast eitthvað öðruvísi hérna á ítalíunni. Efa það samt stórlega...

Hafið það gott elskurnar mínar og það er bannað að gleyma mér!

Mile baci, ciao!

Á skíðum skemmti ég mér tra la la la.....

Föstudagurinn 4.febrúar
Ákveðið var að taka því rólega. Við fórum á kínastað og fengum okkur kjúlla og gumms í furðulegri sósu. Þetta voru samt örugglega kettlingar og litlar sætar kanínur í dulargerfi...maður veit aldrei! Gott samt sem áður.

En eins og áður var sagt þá átti þetta kvöld að vera rólegt!!! Ég kom heim um 6 leytið, henti einhverju í tösku og dreif mig á lestarstöðina. Upppssss.....aðeins og sein og auðvitað missti ég af fyrstu lestinni og ég hélt þar með að ég væri búin að rústa ferðaplaninu hihih.....en þetta fór samt allt vel. Það er alltaf skemmtilegast að fara út á lífið þegar maður ætlar sér svo innilega að gera ekki neitt...!!!

Laugardagurinn 5.febrúar
Úr einni lest í aðra, þetta var nú meira ferðalagið. Eftir 12 tíma þá var ég loksins komin til Salzburg.En þá átti ég eftir að redda mér til Zell am See sem er 80 min frá borginni. Uuuuu....þar sem ég er hæfilega kærulaus þá var ég að sjálfsögðu ekki búin að hugsa um hvernig ég ætti að koma mér þangað, heldur var ,,þetta reddast” hugarfarið notað. Jú, ég ákvað að fara út á flugvöll og athuga hvort ég fengi nú ekki far með Heimsferðarútunni. Nema hvað, það var laust pláss og ég þurfti bara að gefa einhverjum blá ókunnugum manni koss á kinnina fyrir.

Ég ætti kannski að deila því með ykkur af hverju ég var á þessu ferðalagi. Jú, um jólin þá ákváðu nokkrir einstaklingar úr hjálparsveitinni að fara í skíðaferð. Zell am See varð fyrir valinu og sjáum við alls ekki eftir því, alveg snilldarstaður.

Hvar er Palli? Maður á bak við ferðina varð eftir heima en vonandi kemst hann á leiðarenda á næsta ári. Góð hugmynd samt sem áður Palli minn!
Þeir sem komust með flugi að heiman voru Sigfrið, Gísli, Eiríkur E og F.

Sunnudagurinn 6.febrúar
Skíðasvæðið tók á móti okkur með glaðasólskini og dúndur færi. Og að sjálfsögðu tókum við daginn með trompi og vorum í fjallinu frá 9-17. Og þá var farið heim á hótel, skolað af sér og svo út að borða.

Mánudagurinn 7.febrúar
Þessum degi eyddum við á jöklinum sem var rétt hjá okkur. Það var æðislegt, ég get ekki einu sinni líst því hvað það var fallegt þarna uppi í fjöllunum. Ég veit ekki alveg hversu hátt við fórum en það var allaveganna rosalega hátt!!! Eftir að hafa skíðað heilan dag, þá ákváðum við að fá okkur einn kaldan og góðan alveg á toppnum. Hugmyndin um að fá sér einn kaldan var vissulega góð, en alveg á toppnum, veit ég ekki alveg. Við vorum eins og ég veit ekki hvað á leiðinni niður...

Já, einmitt! Það er voðalega gott að fara í sauna eftir dag í fjallinu. Nei, nei, eruð þið ekki að grínast, þar voru bara bjóst og berir bossar um allt. Ég er greinilega ekki þessi villta týpa, þetta sló mig alveg út af laginu....!!! Þau mega bara hlæja að mér í mínum sundfötum úr þeim fer ég ekki, takk fyrir!

Þriðjudagurinn 8.febrúar
Ég byrjaði á því að bjóða Gísla og Eiríki góðan daginn en að þessu sinni á ensku, gúgú...það er nú ekki alveg allt í lagi með mann!

Ella gella bættist í hópinn, en hún er líka út HSG og var að koma að heimsækja Sunnu farastjórann okkar.

Í fjallinu voru allir klæddir í einhverja grímubúninga. Það var einhverskonar öskudagur í gangi. Það er mjög algengt að fólk fer á barinn eftir að daginn, og við urðum nú að prufa það líka. Stemmarinn var rosalegur, söngurinn ómaði um dalinn, fólk dansandi upp á borðum, sturtandi í sig bjór. Áður en við vissum af þá vorum við orðin ansi skrautleg!

Eftir þessa heimsókn okkar á Andrés ski barinn þá fórum við í bæinn. Jú, jú, þar var einhver hátíð í gangi og fólk var alveg á sama hressleika stigi og við. Við enduðum upp á sviði með einhverri hljómsveit og tókum vel undir í lagi sem kunnum ekki einu sinni...mjög gaman en ekki alveg að virka. Hihi...

Miðvikudagurinn 9.febrúar
Mættum hress og kát í fjallið um 9 leytið. Skíðuðum allan daginn og fórum svo og skoðuðum annan bæ um kvöldið. Góður en frekar rólegur dagur....

Fimmtudagurinn 10.febrúar
Þetta var keppnisdagurinn okkar. Við erum góð í öllum keppnum. Sigfrið tók upp á því að búa sér til sína eigin keppni. Reglan er einfaldlega sú að þú lætur engan við hvað það er verið að keppast um og þá ertu öruggur sigurvegari, og það er líka auðveldar að hagræða úrslitum í svoleiðis keppni. Ú...ég vann!

Um kvöldið, fórum við svo með stórum hópi Íslendina upp í fjall í sleðakeppni. Við að sjálfsögðu unnum, sama hvernig við horfum á keppnina. Við notuðum regluna sem ég útskýrði hérna fyrir ofan. Við Gísli vorum saman í liði og við stóðum okkur helviti vel. Í fyrri umferðinni unnum við flugkeppnina, ég flaug 3 og Gísli 2,5 metra. Veit ekki alveg með hina keppendurna....enda skiptir það ekki máli þegar maður er búin að vinna!
Í seinni umferð unnum við skranskeppnina, við lentum í smá hremmingum og þurftum aðeins að hægja á okkur, en þar sem bremsubúnaðurinn á sleðunum er ekki alveg sá besti þá runnum við aðeins til, hrundum af sleðanum og náðum bara ágætu skransi. En þetta kom sér vel, því við vorum ekki í búningum og nú gat fólk séð að við vorum saman í liði, hann með skranssár á auganu og ég á kinninni! Hey, já! Við unnum samsagt búningakeppnina líka.....þrefaldur sigur!

Föstudagurinn 11.febrúar
Aftur á skíðin og upp í fjall, ég verð að viðurkenna að það var frekar óþægilegt að smella klossunum þennan daginn. Fæturnir voru orðin eitthvað lúnir enda ekki vanir að skíða 5 daga í röð. En þar sem þetta var síðasti dagurinn þá var auðvitað skíðað fram á síðustu mínútu.

Já, og svo enduðum við ferðina á því að smella okkur aftur í sauna með öllu bera fólkinu...!!!

Laugardagurinn 12.febrúar
Dú dú....lest og önnur lest og margar lestar...vá hvað ég var fegin þegar ég loksins komst heim, ég var frekar þreytt en ekkert smá ánægð með ferðina, þetta var algjör snilld.

Sunnudagurinn 13.febrúar
Ég leyfði sjálfri mér að sofa út, enda sunnudagur og lítið annað hægt að gera hérna. Nema hvað ég fékk sjokk þegar ég vaknaði, sólskin og 15° hiti. Svo ég ákvað að drífa út að gera eitthvað í sólinni. Ég fór niðri miðbæ hjá okkur og þá var einhver hátíð í gangi. Ég myndi giska á öskudaginn, því öll börnin voru klædd í búninga og voru að slá köttinn út tunnunni. Hvað er málið, ef ég man rétt þá voru börnin líka klædd í búninga sunnudaginn fyrir 2 vikum síðan.... í hverskonar landi bý ég eiginlega! Hehe...

Ekki er meir að frétta af mér í bili. Ég sendi ykkur hlýjar og góðar kveðjur héðan út hitanum, farið vel með ykkur!

Bellan, Bolonia og bíó!

Ég verð nú bara að segja, þið eruð nú meiri snillingarnir. Ekkert smá dugleg í commentunum!

Föstudagurinn 28.janúar
Við Anu frá Finnlandi og ungfrú Ines Sneider eða Sneiderina eins og ég kýs að kalla hana fórum og skoðuðum okkur um í Bolonia. Það væri samt réttara að segja að við hefðum skoðað okkur um í úthverfi Boloniu, þar sem stelpurnar gleymdu að lesa smáletrið þegar þær bókuðu hótelið okkar þá vissu þær ekki betur en við værum rétt hjá miðmænum. En nei.....allls ekki við vorum í lengst í rassgati og það tók okkur um 3 tíma að finna þetta yndislega hótel. Næst sé ég um að panta! En hótelið var fínt og Sneiderinan var meira að segja ánægð og þá er nú mikið sagt, kannski vegna þess að þeir voru með eina þýska rás í sjónvarpinu.....gæti verið.

Hey, já talandi um sjónvarp. Ég sá barnaefni (gott dulnefni fyrir sætan strák, ok, ég er með rugluna núna...hehe) og þeir voru að sýna eitthvað um ísland....af hverju, veit ég ekki alveg en ég þekkti allaveganna landið okkar...skildi ekki mikið meir! Hehe...

Laugardagurinn 29.janúar
Já, þá var kíkt í miðbæ Bolonia. Bærinn var rosalega flottur og æðislegur og allt það.....við vorum að frjósa út kulda, svo undirlokin þá vorum við eiginlega bara að flakka á milli kaffihúsa til að hlýja okkur. En ég get þó sagt að kaffið, kakóið og Mc Donalds er gott í Bolonia. Uffff....ég er búin að segja Bolonia ansi oft núna.....eftir að hafa næstum drepið okkur úr kulda þá tókum við lest frá Bolonia, (var bara að segja þetta einu sinni en) aftur heim til Genova! Núna er heitast hérna hjá okkur svo við höfum tekið þá ákvörðun að vera ekkert að túristast fyrr en það verður aðeins heitara hérna!

Sunnudagurinn 30.janúar
Þið munið það kannski að það er ekki hægt að gera neitt hérna á sunnudögum. Svo ég gerði auðvitað ekki neitt. Fór göngu um bæinn og þreif íbúðina. Hún var og er enn rosalega skítug. Þetta er eilífðar verk en ég veit þó hvað ég get gert þegar mér leiðist! NEI, mér leiðist aldrei það mikið að þrif verði skemmtileg! Þið vitið að ég er enginn rosalegur snyrtipinni en þetta er samt algjör vibbi......hehe!!!

Mánudagurinn 31.janúar
Þessir ítalir eru svo yndislegir!!! Ég keypti fyrir nokkrum dögum internetkort í tölvuna mína, og þar sem ég er ekki alveg að gera góða hluti þegar það kemur að tölvum og tækni yfirhöfuð þá var þetta bara alls ekki að virka hjá mér og ég næstum búin að rústa tölvunni minni og hárreita sjálfan mig. Svo ég gafst upp og fór með tölvuna mína og að sjálfsögðu þetta helv...kort! Bjóst að sjálfsögðu við að maðurinn í búðinni gæti nú lagað þetta á svipstundu, en eftir 3ja tíma bið þá komst hann að því að það gleymdist að starta kortinu. Ohhhh.....þeir eru svo klárir þegar það kemur að einhverju sem tengist tölvum, meira að segja ég slæ þeim út og þá er nú mikið sagt!!!

Já, og svo smellti ég mér í bíó. Þeir eru með eina sýningu á viku þar sem þeir sína enska mynd. Jú, jú við vorum 6 í salnum. Nú skil ég af hverju það er bara ein sýning! En guð minn góður, þetta var vægast sagt hræðileg mynd, útskýrir kannski afhverju við vorum bara 6! Hún hét eitthvað sem ég man ekki! Það hlýtur að koma öllum á óvart, ég sem veit allt um bíómyndir..... leikarinn sem var í myndinni hét.....nei, ohhhh, man það ekki heldur! Ég er góð í þessu. En með góðri þýðingu yfir á íslensku þá myndi ég kalla myndina ,,vélargaurinn” en þeir þýddu hana ,,maðurinn sem gat ekki sofið” ég veit ekki hvor þýðingin er betri! Mín að sjálfsögðu...

Þriðjudagurinn 1.febrúar
Í dag var sól og ég fór með sól í hjarta og söng á vörum niður í bæ að læra! Ok, það er ljótt að plata ég fór með bækurnar með mér en ég komst ekki svo langt að taka þær upp...það er hugurinn sem gildir er það ekki! Ekki alltaf!!!

Nóg af bulli í bili, farið vel með ykkur! Ciao